Nagakantidad sa P10, 000.00 nga shabu ang nakumpiskar sang Philippine Drug Enforcement ukon PDEA 12 sa implementasyon sang search warrant sa San Juan, Pag–asa, Brgy. Poblacion,Tampakan, South Cotabato pasado alas 10:25 sang tinalikdan nga adlaw.
Ginkilala naman ni PDEA Director General Aaron Aquino ang nadakpan nga suspek kay Artemio Bersabal Manila, 55 -anyos,van driver kag residente sang nasambit nga lugar.
Si Manila ang yara sa listahan sang PDEA 12 kag gambling coordinator man suno pa sa banwa sang Tampakan.
Nakuha sa nasambit nga suspek ang more or less duha ka gramo sang suspected shabu kag isa ka black eyeglasses case nga may unod nga white crystalline substance.
Pagbayolar naman sa Section 11 sang RA 9165 ang ipasaka batok sa suspek nga sa subong nakadetine sa Pdea 12 Detention Facility.
