General Santos City–Gatosan matud pa ka mga pulis, sundalo ug uban pang force multiplier ang e-deploy sa General Santos City Police Office sa palibot ug sulod sa Gensan Gymnasium atol sa umaabot nga laban ni Senador Manny Pacquiao batok kang Kieth Thurman karong Hulyo 21 adlaw nga Domingo aron nga magbantay sa siguridad.
Sumala pa ni Police Lieutenant Renato Dungca ang tigpamaba sa General Santos City Police Office nga nakalatag na matud pa ang security plan sa kapulisan human ang gipahigayon nga coordinating conference sa GSCPO ug ubang mga ahensya sa goberno.
Dugang pa ni Lt. Dungca nga alas 6:00 palang ang takna sa buntag naka-plastar na ang mga personahe sa kapulisan sa maong area aron nga sa pag-abri sa gate, ilahang makapkapan ang tanang buot musulod sa Gym.
Samtang aduna man usay ibutang nga mga personahe aron nga bantayan usab ang dagan sa trapko sa Gensan Gym tungod kay gilauman nga dagsaon man usab ug tawo ang libre nga motan-aw sa syudad sa maong dula.
Nanawagan man usab si Lieutenant Dungca sa mga buot motan-aw nga dili na mag dala ug mga gibawal nga butang sama sa hait nga hinganiban, armas droga ilimnun ug uban pa aron nga dili na madelatar ang pagsulod sa gymnasium samtang nagpabilin man usab nga ginadili ang pagdala ug bagpack.(Dave Silagan)
