Natalana na nga igapatuman sa probinsya sang Negros Occidental sumugod sa Biernes, Mayo 1 ang General Community Quarantine (GCQ) sa pagtakup naman sang ECQ sa Abril 30 (Huwebes).
Ini angut sa rekomendasyon sang National Inter Agency Task Force against COVID-19 nga suno kay Gov. Bong Lacson, pagasundon sang probinsya base sa mandate sang LGU.
Nahibaluan nga sa idalum sang GCQ, magapadayon gihapon ang mga checkpoints kag border control, limitado ang mga commercial establishment nga maka-operate, magapabilin nga sirado ang mga shopping malls kag restaurants wala labot sa mga take out orders.
Sa bahin sang public transportation, ginpahayag ni Lacson nga iya pa ginahulat ang direktiba halin sa Department of Transportation samtang magadesisyon pa ini kon gamiton gihapon ang home quarantine pass.
[image: image.png]
