Malaybalay City, Bukidnon – Nanawagan ang Department of Interior and Local Government kon DILG Bukidnon sa mga barangay officials sa tibook probinsya nga mutambong sa pagahimoon nga general orientation sa federalism.
Sa interview sa RMN Malaybalay ngadto kang DILG Bukidnon Provincial Director Bruce Colao gibutyag niini nga ilabina sa gipanawagan sa departamento nga mutambong sa mao nga kalihukan ang mga barangay officials nga naglangkob sa punong barangay, mga konsehal nga naghupot sa Committee on Education, Peace and Order, Barangay Secretary ug IP Mandatory Representative.
Matud ni PD Colao nga magtapok karong adlawa ang mao nga opisyales nga gikan sa 464 ka mga barangay sa Bukidnon sa San Isidro College Gym, Impalambong, Malaybalay City.
Sigun sa provincial director nga tumong sa general orientation on federalism nga mahatagan ug giya ang maong mga barangay officials aron pagbalik niini sa tagsa-tagsa ka barangay mahimo na kining federal advocate ilabina ug hapit na ang barangay assembly nga pagahimoon karong October 8, 2017.
