*General Santos City——— Gipanghinaut ni Gensan City Mayor Ronnel Rivera nga magpadayon ang operasyon sa kapulisan batok illegal nga sugal sa dakbayan ilawom sa pagdumala ni Police Senior Superintendent Romeo Ruel Berango, OIC City Director sa Gensan City Police Office.*
*Sumala ni Mayor Rivera nga adunay managlahing mando ang kapulisan gikan sa ilahang higher headquarters ug sa lokal nga panggamhanan rason nga iyahang gihatagan ug direktiba si Col. Berango nga ipatuman ang unsa mang mandato kaniya isip opisyal sa kapulisan.*
*Apan giangkon ni Mayor Rivera nga gumikan sa accomplishement sa kapulisan, iyaha matud pang nakit-an nga nagatrabaho ang kapulisan hilabina sa hisgutanan sa illegal nga sugal.*
*Samtang sa hisgutanan sa Small Town Lottery kon STL, gibutyag ni Mayor Rivera nga sila sa executive branch, ilaha gyud nga ginabarugan nga legal ang operasyon niini dinhi sa dakbayan.*
*Pamahayag pa sa nasangpit nga opisyal nga legal kini gumikan aduna may balaud nga ginatuman ang PCSO sa ilahang pagpahigayon ug operasyon dililang sa dakbayan kundili sa tibuok nasud.*
*Apan giangkon niya nga aduna usab pinasahe nga balaud ang Gensan nga mao ang R.A 9649 kung asa nakalatid sa maong balaud nga bisan kinsa nga magpahigayon ug numbers game sa syudad ang kinahanglan gyud nga muagi ug concurrence sa hawanan sa konseho.*
*Kung asa gipaklaro ni Mayor Rivera nga andam muatubang ang mga opsiyal sa PCSO sa hawanan sa konseho aron s aopag-explain s ailahang side, apan gibutyag niya nga dili man usba nila mamahimong padalion ang mga nahisgutan kug kanus-a niula gusto nga muatubang sa mga konsehal sa syudad.*
*Usa usab sa mga gikabalak-an ni Mayor Rivera mao ang posibleng maundang ang paghatag ug hinabang sa PCSO dili lang sa skatawhan sa dakbayan kundili bisan na sa mga residente sa mga kasikbit nga mga probinsya higayon nga bawalan sila sa pagpahigayon ug operasyon sa STL sa dakbayan.*
