*General Santos City— Gihingusgan ni Gensan City Mayor Ronnel Rivera nga adunay protocol nga ginasunod ang lokal nga pangamhanan aron nga ma-cater ang mga stranded nga mga taga-Gensan nga anaa sa ubang lugar.*
*Sumala niini nga adunay managlahing protocols ang mga syudad ug probinsya ug dili matud pa pwede nga ang protocol sa Gensan maoy ipatuman alang sa pag-pauli sa mga stranded nga mga residente o OFW nga anaa sa kauluhan ug sa ubang dapit sa nasud.*
*Pamahayag niya nga ang pag-landing sa eroplano sa Gensan airport o dili ba kaha ang pagdunggo sa mga barko kinahanglan pa nga aprubahan sa National Inter-Agency Task Force gumikan ang LGU Gensan ang igo lang mudawat sa mga pasahero.*
*Dugang niini nga bisan ug makompleto sa LGU Gensan ang tanang rekositos para sa pag-abot sa mga OFW o mga stranded nga residente o bisan pag nmakumpleto ang tanang mga requirements, ang magdesisyon niini mao gihapon ang National IATF.*
