Gipasalig ni Police Major Evan Vinas ang Spokesperson sa Cagayan de Oro City Police Office kon Cocpo nga walay angay kabalak-an ang katawhan ning syudad.
Kini kabahin na sa nanggawas nga report nga adunay presensiya sa ISIS terrorist ning dakbayan particular sa Barangay Balulang.
Matud ni Major Vinas nga sa ilang pag-validate sa maong report, nasayran nga dili tinuod ug naalaan lamang ang maong indibidwal.
Dugang pa ni Major Vinas nga sa matag karon og unya gapahigayon og checkpoint ang kapolisan uban sa task force oro, aron hatagan og seguridad ang katawhan.
Samtang gihangyo ni Major Vinas ang katawhan nga kung adunay mamatikdan nga presensiya sa mga ISIS terrorist dali kini nga itaho sa kapolisan.
Kini aron matagaan og aksiyun ug masuta ang maong report.
Giklaro ni Major Vinas nga nasaypan lamang sa katawhan ang giingong ISIS terrorist nga mibiya sa iyang pinuy anan sa Barangay Balulang nga maoy hinungdan sa pagkatag sa mga text messages.
Apan kini nga impormasyon ang gisusi dayun sa kapolisan kinsa nasutang walay kamatuoran.
