Nakauli na sa ilang tagsa-tagsa ka pamilya ang nuybe ug otso anyos nga gikareport nga namissing niadtong Nobyembre 28 ning tuiga.
Kini ang gipahibalo ni Hazel Salvalion, 39 anyos, inahan sa batang si Rafael Arnold Salvalion.
Gibutyag ni Salvalion nga nakita niya ang iyang anak didto sa balay sa iyang inahan sa Barangay Lumbia uban ang classmate niining otso anyos nga si Ritch Nicer Labitad.
Mahinumduman nga nigawas lang atol sa lunch break ang mga bata aron unta mopalit og tubig apan wala na makabalik sa ilang Grade 2 classroom sa East City Central School, Barangay Lapasan ning syudad.
Nagtoo ang inahan nga gimingaw sa iyang lola si Rafael maong nipauli sa Barangay Lumbia nga wala nakapananghid maong gipahinumduman kini nga mananghid inig molakaw aron dili mabalaka ang mga ginikanan.
