General Santos City—Sikop ang usa ka lalaking si Alias Sali, legal age, nga taga Barangay Kablalan, Glan, Sarangani Province kansa suspek sa pagmolestya sa iyang bayaw nga amang sulod mismo sa ilang balay.
Giila ni Police Sr. Inspector Danilo Abayata, Deputy Chief Of Police sa Glan Municipal Police Station ang biktima nga itago lang sa Pangalang Alias Mayet, Residenti sa samang lugar.
Sa inisyal nga imbistigasyon nasuta nga naabtan sa Inahan sa biktimang nga ginamolestya sa suspek ang iyang anak sulod mismo sa ilang panimalay mao nga misumbong kini sa kapulisan.
Didto na gidakop ang suspek ug gibalhog sa bilangguan. Gituohang dugay nang ginahimo sa suspetsado ang pagpanghilabot sa iyang bayaw ug karon lang nabisto sa ilang kabanay.
Kasong lugos ang atubangon sa suspetsado human sa iyang gihimo ngadto sa iyang bayaw nga usa ka amang.
