MOISES PADILLA – Nagmando na si Negros Occidental Police Provincial Office Director Senior Supt. Rodolfo Castil nga imbestigahan sang natabu nga ambush sa isa ka anay konsehal sang banwa sang Moises Padilla.
Natabo ang insidente sadtung Huwebes mga las 9 sang gab-i samtang nagasakay sa Foton Tornado si former Moises Padilla Councilor Ian Adrian Villafor sa bahin sang Hda. Dama, Brgy. Cabacungan banwa sang La Castellana.
Sa interview sang Straight to the Point kay Villaflor, iya ginpahayag nga manugpauli na sila kuntani sa Barangay Cabacungan, La Castellana sa balay sang iya asawa sang natabu ang pag-ambush sa ila, gamit ang long-arms sa diin nakabati ini sang mas o menos 16 ka lupok.
Halin ini sila sa Binalbagan mga las 4:30 sang hapon, nagbakal sang talaba sa Hinigaran, naghapit sa Isabela kag nagkaon kaon sa balay ni Kagawad Frias sang Guinpanaan, Moises Padilla, nga dira man sya nagaistar.
Kaupod sini ang iya hinablos nga si John Von Villaflor nga amo ang iya driver kag iya body guard sa backseat nga si Zalde Estañol.
Mga 90-100kph ang ila dalagan rasun nga wala gid sila napuruhan.
Matapos sang nakapauli sya sa ila balay, nagtawag man sya sa iya mga pakaisa nga mga pulis kag nagpabalo, natawag sa iya amigo nga pulis sa La Castellana Police kag nagpabalo man Mayor Mhai Nicor sang La Castellana, apang bangod kay delikado wala naman sya naglaum pa nga respondehan.
Paathag sang anay-konsehal nga ma-swerte naman sila nga wala sa ila ang naiguan apang apat ka bala ang nag-igo gid sa ila salakyan.
Gin-ako man sini nga madugay na sya nakabaton sang death threats sa diin halos sigurado ini nga pamulika ang rason nga tuyo ini patyon, ilabi na nga nagbulig ini kampanya sa iya hinablos nga SK sang nagligad nga federation election.
Napierde naman ang iya hinablos sang isa ka boto.
Kon ngaa nga kaina lang sya nagpablotter, sa La Castellana Police Station si Villaflor ina bangod ginsecure nya anay ang iya kaugalingon matapos ang insedente.
Si Villaflor ang nagpapili nagligad nga 2016 Elections kontra kay Mayor Magdaleno Peña sa banwa sang Moises Padilla, anay private secretary ni former Mayor Francisco Nazareno kag one-termer councilor. / Photo courtesy of Ian Villaflor
