Doble nga ayuda nga nabaton sang isa ka Social Amelioration Program (SAP) beneficiary ang ginatudlo rason sang pagpasaka kaso batok sa Punong Barangay sang Brgy. 39 sa ciudad sang Bacolod kag napulo pa ka mga opisyales sang barangay.
Nahibaluan nga kaso nga paglapas sa RA 3019 ukon Anti- Graft a d Corrupt Practices Act, RA 6713 ukon Code of Conduct and Ethical Standards for Public Officials and Employees kag RA 11469 ukon Bayanihan Act of 2020 may angut sa SAP ang ginpasaka sang CIDG-Bacolod batok kay Punong Barangay Jude Salusada. Lakip na diri si Kagawad Rogelio Faltiquera Sr.; Brgy. Secretary Rosenie Caballero; Brgy. Record keeper, Marites Aragon Iso; Brgy. Nutrition scholar Mercy Lorenton; Brgy. Treasurer Ma. Salve Atienza kag mga barangay health workers nga sanday Rosela Plagata, Realyn Facturan, Lolita Florida, Beth Fernando, kag Rogelyn Faltiquera Paglumotan.
Sa pagpangusisa sang DYHB, lima ka mga indibidwal ang nagreklamo batok sa nasambit nga mga opisyal kag ginatudlo nga rason diri amo ang doble nga ayuda nga nabaton sang isa ka residente sa diin nakakuha ini sang SAP grants sa Brgy. 39 kag Brgy. 35.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
