Ginaaligar nangawat sang kanding, patay matapos nga tiruhon.

27

Patay ang ginaaligar kawatan matapos nga tiruhon sang caretaker sang Bueno goat farm sa Purok Aquino, Brgy Concepcion, Koronadal City, kagab-i, Marso 2, 2021.
Sa imbestigasyon sang Koronadal CPS alas 10:45 kagab-i nakit-an ni Jimmy Mamon Villa, 52-anyos, caretaker kag residente sang Purok Aquino, Brgy. Concepcion ang tatlo ka mga suspek nga nagsulod sa Bueno goat farm kag ginkuha sang mga ini ang kanding amo nagwarning shot sya sa katuyuan nga mag-untat ang mga suspek.
Apang imbes nga mag-untat ang mga suspek nagdalagan ini dala ang kanding nga nagtulod kay Villa nga tiruhon ang mga suspek kag isa dire ang naigo sa tyan nga ginkilala kay Dexter Velasquez Dela Cruz, 21-anyos single, estudyante kag residente sang Norala, South Cotabato.
Gilayon naman nga nagreport sa barangay si Villa, samtang si Dela Cruz ang gindala sa South Cotabato Provincial Hospital, apang gindeklarar nga dead on arrival attending physician.
Nakuha naman sa crime scene ang isa ka unit sang homemade 12 gauge shot gun nga ginturn-over naman sa South Cotabato Provincial Crime Laboratory Office para sa ballistic examination.
Sa subong yara na sa kustodiya sang Koronadal CPS si Villa.

Facebook Comments