Ginaaligar supporter sang Dawlah Islamiyah SOCCSKSARGEN Katiba, patay sa implementasyon sang search warrant sa Polomolok, South Cotabato.

22

Patay ang target sa implementasyon sang search warrant sang gintingob nga pwersa sang Polomolok MPS, SCPMFC; 10th SFC 5th SFB; kag RID12 sa koordinasyon sang PDEA 12 sa Purok 5, Brgy Koronadal Proper, Polomolok, South Cotabato, alas 4:10 kahapon sang kaagahon, Pebrero 25, 2021.
Pagbayolar sa Section 11, Art II sang RA 9165 ang ginserbi nga search warrant sa suspek nga si Omie Mark Villanueva y Pradias, 27-anyos, jobless kag residente sang Purok 5, Brgy. Koronadal Proper, Polomolok, South Cotabato (Supporter of Dawlah Islamiyah SOCCSKSARGEN Katiba and included in IDID list).
Base sa report sang Polomolok MPS sang namutikan ang presensya sang implementing team ginkuha sini ang iya nga armas kag gintiro ang pwersa sang gobyerno nga nagtulod man sa mga ini nga magbalos.
Resulta, ang suspek ang nakaangkon sang igo sang bala nga gilayon naman nga gindala sa ospital, apang gindeklarar nga dead on arrival sang attending physician.
Nakuha naman sa lugar ang 1 ka unit sang 38 revolver 2 kag fired cartridge case kag cylinder; 2 ka basyo sang Cal. 9mm.
Samtang nakuha naman sa suspek ang 2 ka medium size kag 2 ka small size sang heat-sealed sachet nga may unod nga shabu nga may kabug-aton nga 2 ka gramo nga nagakantidad sang P13, 720. 00
Gindala naman sang SOCO team ang mga ebidensya para sa kustodiya kag nagakaigo nga disposisyon.

Facebook Comments