Dead on arrival sa ospital ang target drug personality sa ginpatigayon nga buy-bust operation sang Polomolok MPS kag SCPMFC personnel sa koordinasyon sang PDEA12 sa Prk. 7, Barangay Glamang, Polomolok, South Cotabato, alas 11:20 kahapon sang aga, Pebrero 25, 2021.
Ginkilala ang suspek kay Anthony Marquez Verdida alias “Nonoy Verdida”, 51 –anyos kag residente sang nasambit nga lugar.
Namutikan suno pa sang suspek nga polis ang nakatransaksyon amo nga ginkabot sini ang armas luthang kag gintiro ang police poseur buyer nga nagtulod sa iya nga magbalos man.
May-angot sini, nakaangkon sang igo sang bala ang suspek nga gilayon naman nga gindala sa Polomolok Municipal Hospital, apang gindeklarar nga dead on arrival sang attending physician.
Nakuha naman sa lugar ang duha ka basyo sang ginaaligar caliber 9mm; 1 ka unit sang homemade break open type caliber 45 pistol, sling bag may unod nga P500.00 buy-bust money kag apat ka heat sealed transparent cellophane nga may unod nga shabu.
Yara naman sa 1 ka gramo ang kabug-aton sang nakuha nga shabu nga nagakantidad sa P6, 860.
Gindala naman sa SCPCLO ang nakumpiskar nga illegal drugs para sa laboratory examination.
