BACOLOD CITY – Naigo gid sa agtang ang isa ka senior citizen matapos nga ini siya ang ginhaboy sang raspador sang iya man lamang kaugalingon nga umagad pasado las 10 kagab-i sa Purok Saturn, Brgy. Handumanan, Bacolod City.
Nakilala ang biktima nga si Erlinda Oliveros, 63 anyos ang edad, pumuluyo sang amo nga lugar.
Suno sa hinablos sang biktima nga si Liezel nga si Nanay Erlinda kag ang iya umagad ang nag-away bangud man sang pila ka issue.
Sa tunga-tunga sang mainit nga paglalisay sang duha, hinali na lamang nga ginhaboy sang umagad sang raspador ang biktima kag ini ang naigo sa iya nawala nga agtang.
Gilayon nga gindala sa Corazon Locsin Montelibano Memorial Regional Hospital ang biktima agud nga mabulong ang pilas niya sa agtang./ Not the actual photo
