South Cotabato-mukabat sa 100 ka mga minor de edad nga miyembro sa “Batang Sukarap”ang narescue sa Awtoridad sa Koronadal City, isip parti sa ilang kampanya sa pagbungkag sa maong grupo nga responsabli sa pagpanghasi sa maong lugar matag gabie.
Una nang nagpagawas ug pahayag si Police Supt. Ronald Allan Penaverde, hepe sa koronadal city PNP nga sakit sa ulo sa kapulisan ang pagkaylap sa mga batang Sukarap sa syudad.
Nasayran nga gikahadlukan na karon ang maong grupo tungod yano ra silang mangulata ug manunggab sa mga tawong ilang matripan.
Human nga marescue usa-usang gipatawag ang mga ginikanan sa maong mga minor de edad og gimaymayan nga ilang atimanon ang ilang mga anak ug dili tugtan nga maglatagaw matag gabie.
Kahinumduman nga adunay task force nga gimugna ang syudad sa Koronadal nga mututok sa grupo sa Sukarap.
