Tapaz, Capiz – Naglab-ot sa kabug-usan nga P300, 000 pesos nga kantidad ang natigayon nga makuha sang mga suspek matapos nga ginsulod ang isa ka poluy-an sa Brgy. Switch Tapaz alas 11 sang gab-i.
Suno sa biktima nga si Reah Lorania y Picara, 40-anyos sang nasambitan nga barangay, nag-agi ang mga kawatan sa nalikod nga porsyon sang ila poluy-an kag ginsamad ang kisame antes nga ginkuha ang kita sini sa negosyo nga nabutang sa aparador.
Ang amo nga kantidad ang benta sang biktima sa iya negosyo sa banwa sang Tapaz. Nahibaluan nga makapila na ka beses nga ginsulod sang mga kawatan ang nasambitan nga poluy-an.
Sa subong, padayon pa nga gina-imbestigahan sang mga kapulisan ang amo nga insidente agud hibaluon ang responsable sa nasambit krimen.
(photo from web)
