PONTEVEDRA – Ginsulod sang kawatan ang tatlo ka mga hulot sang Antipolo National Highschool.
Ginpahayag ni Mrs. Leah Piansay principal sang amo nga eskwelahan nga ang mga hulot amo ang Registrars Office, Property Custodian Office kag Accounting Office.
Suno sa principal nga aga pa ini nagbugtaw bangud dira man sya nagatulog sa iya talatapan kag naglibot sa gina construct nga bag-o nga building apang natingala sya nga may naga ginual kag iya ini ginkadtuan.
Nakibot na lamang sya sang iya nakit-an nga ginpang kakas na ang mga jealousy kag iya nakit-an nga naglinapta na ang mga papeles kag pagkabutang sa hulot.
Sa ila nga pagpangusisa nadula ang laptop nga nagabalor sang 27 mil pesos, netbook, 2 mil pesos nga cash, 10 ka t-shirts, speakers kag mga pagkaon.
Suno pa kay Piansay nga luwas nga nagpangawat ini gin-itsaran pa sang kawatan ang Accounting Office kag ginpanguli ang nakaimprinta nga financial documents.
Nakit-an sang mga manunudlo nga may isa ka tumpok nga naga-alisngaw, sa diin may linukot sang papel sa palibot nga tuman pa ka importante nga dokumento.
Nagapanawagan naman si Piansay nga kun sin-o man ang baligyaan sang nahinambitan nga laptop kag netbook palihog ipahibalo sa kapulisan bangud ato didto naka save ang mga dokumento sang eskwelahan.
Samtang may isa ka kutsilyo nga nabilin sa lugar kag ginapatihan iya sang mga kawatan.
