MOISES PADILLA – (2nd Update) Patay ang isa ka estudyante nga nagaserbe kabulig sa balay sang ini sila ang ginpaarakan luthang sang tatlo ka armado kag pinangluthang kagab-i (Enero 26) las 9:30 sa Sitio Upper Mamballo, Quintin Remo, Moises Padilla.
Nakilala ang biktima kay Elnica Arroz, 18 anyos kag eatudyante sang Guinpanaan National High School – Mamballo Extension Campus.
Pilason man ang iya upod sa balay nga si Rene Saludares alyas Katong, 33 anyos, may asawa sang amu man nga lugar.
Ang duha ang una gindala sa Enrico Elumba Hospital sa La Castellana apang si Arroz ang gindeklara nga dead on arrival. Si Saludares ang padayon naman ginabulong sa isa ka ospital.
Sa imbestigasyon sang Moises Padilla PNP, pasado las 9, matapos nag-inom inom upod ang utod nga si Mark kag duha iban pa, hana nga magpahuway si Rene kag manugkadto naman sa banyo ang ila kabulig sang makabati sila sang tatlo ka lupok.
Sang nabatian ang lupok, nagguwa una si Rene kag naghingagaw man ang ila kabulig nga si Elnica padulong sa pwertahan para sarad-an apang ginpangtiro ini sila sang duha pa gid ka armado nga lalaki, nakabonet, nakamilitary uniform kag may bitbit nga M-16 armalite rifle.
Gintayaan man si Mark apang nag-ayo ini nga wala man sya labot. Maayo lang kay wala man naigo ang asawa ni Rene nga si Leocyl nga isa ka maestra.
Sa record sang kapulisan, kaagi tokhang si Rene kag naga maneho ini sang habal-habal dala dul-ong sa iya nga misis.
Nagaguwa man sa imbestigasyon nga narepahan gid lamang ang mga biktima kag wala sang plano mga patyon bangod pagkatapos sang paarak, wala na sang finishing nga natabo.
Narecover sa crime scene ang 3 ka slug sang M16 kag mga empty shells sang armalite rifle.
Ang ina nga lugar suno sa mga otoridad ang ginahukmungan man sang mga rebeldeng New People’s Army.
