Kalibo, Aklan – Ginpabuksan eon it Department of Environment and Natural Resources (DENR) rong parte it isla nga temporaryong ginpasara ag gin imbestigahan sa sueod 48 oras bangud sa gin eobong nga diaper sa baeas matapos maghigko ro sangka unga it dumueoong.
Suno sa DENR, nag guwa rong resulta it coliform bacteria level test sa water samples nga ginpatigayon ko Miyerkules nga una raya sa safe levels.
Kahapon ginpabuoe eon ni DENR Secretary Roy Cimatu rong kordon kamana man rong swimming ban sa nasambit nga lugar.
Matandaan nga nag viral rong vide sa social media rong paghugas it sangka babayeng dumueoong sa sangka unga sa binit it baybay kung Station 1 ag may sambilog pang babaye nga nag eobong it diaper sa baeas.
Hasta sa makaron hay uwa pa makumperma it mga otoridad ro identity ko mga babaye sa video pero ginatinguhaan man eon raya it pila ka ahensya it gobyerno pareho kung Bureau of Immigration (BI).
