CAUAYAN, NEGROS OCCIDENTAL – Gintiro ang isa ka lalaki samtang nga ini siya ang nagaduty sa Punta Bulata, Cauayan kahapon sang hapon.
Nakilala ang biktima nga si Alfie Balo, 27 anyos ang edad, single kag pumuluyo sang Brgy. Inayawan, Cauayan.
Suno sa biktima nga mga las 4 kahapon sang hapon, ini siya ang naga duty sa kompaniya nga iya gina-obrahan sang nagsulod ang wala ginhingadlan nga suspek.
Nakibot siya siling sang biktima sang hinali na lamang ini nga gintiro sang armado nga suspek sa wala mahibaluan nga rason.
Naigo sa iya likod kag tuo nga kamot ang biktima gani dali-dali ini nga gindala sa Corazon Locsin Montelibano Memorial Regional Hospital./dyHB BACOLOD
Facebook Comments
