GUIHULNGAN CITY, NEGROS ORIENTAL – Dead on Arrival ang isa ka Sangguniang Bayan member sang Guihulngan City, Negros Oriental matapos nga ini siya ang gintiro pasado las 7 kaina sang aga.
Nakilala ang biktima nga si SB Member Edison Dela Rita, legal ang edad samtang wala naman nakilala ang mga suspek nga gilayon nagpalagyo matapos ang krimen.
Suno sa imbestigasyon sang Guihulngan City Police Station nga sa tunga-tunga sang las 7 kag las 8 sini nga aga sa highway sang city proper sang Guihulngan samtang nga nagalakat ang biktima, ini siya ang gintiro sang mga suspek nga nagasakay sa motorsiklo.
Ginpahayag nga nag-angkon sang mga pilas sa iya lawas si Dela Rita matapos ginpaarakan luthang sang mga suspek.
Madumduman pa nga sadtong July 21, 2017 si Dela Rita amo ang SB member nga nagtawag Guihulngan PNP kag nagreport nga ini siya ang gin ambush.
Apang sang nagresponder ang mga pulis upod ang hepe mismo sang Guihulngan MPS ini sila amo ang gin-ambush sang mga rebelde.
Napatay sa amo nga insidente ang 5 ka mga pulis lakip na ang hepe sini nga si Police Superintendent Arnel Arpon, Senior Police Officer 2 (SPO2) Mecasio Tabilon, SPO2 Chavic Agosto, SPO1 Jesael Ancheta, PO2 Alvin Paul Bulandres kag PO2 Alfredo Dunque./dyHB BACOLOD
