Sa recent nga comment ni Atty. Jamaal James Calipayan sa iyang facebook status kinsang asawa nga namissing, gikompirmar niya nga safe nga nabalik ang iyang asawa.
Nibutho lamang si Sarah nga naglakaw sulod ra usab sa compound sa Banilad Town Centre diin nakitan nga giparada iyang sakyanan wala pay alas dose karung udto ug diritso kining gisakay sa van sa iyang bana nga si Atty. James. Limitado lamang ang pahayag nga gibuhian niini ngadto sa kapolisan.
Nasayran nga adunay gidaladalang kaguol ang maong abogada maong naghubog kini pagmaayo ug wala na makapauli sa ilahang panimalay. Micheck in na lamang kini sa usa ka hotel ug ngadto natulog. Personal nga problema ang gidudahang hinungdan sa nasinati niining kaguol.
Nagkanayon si Jamaal sa iyang fb comment sa susamang post diin nagpakitabang siya sa pagpangita sa iyang asawa, “Update: Sarah is safe na with us. Thank you everyone for your help support and understanding.”
Padayon gihapon ang imbestigasyon sa kapolisan bahin sa pagkawala sa maong abogada.
Source: Jamaal James Calipayan’s Facebook account, RMN DYHP Cebu Page
