Napadala na sa Commission on Elections kon Comelec ang ilang tanang records sa Campaign Finance Unit kon C-F-U sa ahensiya.
Matud ni Atty. Renato Magbutay, ang Regional Director sa Comelec nga ang C-F-U mao ang bag-ong unit sa Commission nga maoy incharge sa pagsusi sa mga finances ug expenses sa mga kandidato sa milabayng piliay.
Dugang pa ni Magbutay nga kung makita sa C-F-U nga ang usa ka kandidato wala makasubmit sa iyang Statement of Contribution and Expenditures kon SOCE, padad-an kini og sulat aron nga makabayad sa multa.
Giklaro ni Magbutay nga kung ikaduha na nga piliay nga wala makasubmit sa SOCE ang usa ka kandidato, pwede kini nga ideklara sa komisyon nga disqualified sa pagdagan sa sunod nga piliay.
Gibutyag ni Atty. Magbutay nga nakasubmit na sa ilang SOCE ang mga kandidato nga nakadaug sa milabay nga piliay.
Apan matud ni Atty. Magbutay nga adunay mga kandidato nga napilde sa election ang wala na nila makita ug wala maka-submit sa ilang SOCE.
Tungod niini, kini sila ang makadawat og ‘’love letter’’ gikan sa Campaign Finance Unit kon C-F-U sa ahensiya.
