GMA kaya ang Speakership

30

Davao City – Gibati ug kabalaka ang Muslim sa syudad sa Davao human wala maratipikahi ang Bangsamoro Organic Law sa kongreso tungod sa nahitabong pag-ilis sa House Speaker gikan kang Pantaleon Alvarez ngadto kang Cong. Gloria Macapagal Arroyo nga basin og gisabotahe.

Matud ni Bangsa Iranun Deputy Mayor Pamikerin Arumpac Jr., dili sila motoo nga mahitabo kini tungod kay nasayud sila nga dili mahitabo diha sa kongreso ilawom sa Duterte Administration.

Alayon niini masaligon sila nga maratipikahan gihapon ang Bangsamoro Organic Law (BOL) ilawom sa pamunuan ni House Speaker Gloria Arroyo.

Sumala ni Pamikerin, misalig sila sa katakus sa bag-ong House Speaker tungod kay nahimo na kining presidente sa Pilipinas ug sayon na lang alang kaniya ang maong tahas.

Malaumon usab siya nga anaa gihapon ang maayong relasyon sa tanang magbabalaud human sa natigayong pag-ilis kang Alvarez.

RadyoMaN Bernard Pantallon

Facebook Comments