Nagapangabay si Gov. Eugenio Jose Lacson sa mga locally stranded individuals (LSI) nga sundon ang abiso sang probinsiya nga indi anay magpadulong sa Tabuelan Port sa Cebu kun wala sang pahanugot sa ila local government unit.
Suno kay Gov. Lacson, importante nga respetuhon man ang LGU sang Tabuelan agud indi mabasulan sang mga residente ang alkalde sini kun nagadagsa sa ila lugar ang mga LSI nga halin pa sa iban nga lugar sa Cebu sa diin mataas man ang kaso sang coronavirus.
Suno pa sa gobernador, mabudlay kun magdesisyon naman ang alkalde sang Tabuelan nga siraduhon ang ila pwerto para sa mga luyag makatabok sa Negros Occidental. Sa nahibaluan nga suspended karun ang pagpauli sa mga LSIs sa probinsiya.
Samtang nagapangabay man si Lacson sa mga Negrense nga sundon man ang mando sang Department of Transportation nga magsuksok na sang face shields sa public transportation. Importante suno diri nga nagasunod ang pumuluyo sa mga health measures agud safe ang tanan.
Subong nga adlaw ginpirmahan man ni Lacson ang executive order nga naga-extend sang Modified General Community Quarantine tubtob sa Agosto 31, 2020.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
