Ang pagkapakpak sa atoang panit sa ulo nga mahimong kaspa mao ang normal nga kondisyon nga matagamtaman sa maski kinsa man.
Usahay, hinungdan kini sa dali nga pagkamatay sa panit og pag ilis og bago nga panit sa atoang ulo. kini pod ang hinungdan sa mga fungi maong mapakpak ang panit.
Apan walay dapat kabalak-an ani nga saki tungod dili ini delikado sa atoang panglawas, ang pagbaton aning kaspa mao ang maka ubos sa imohang self confidence og pagpangatol nga usahay maoy makapasamot sa imohang kalagot.
Ang kada adlaw nga pagligo mao ang isa sa mga solusyon aron magkahinay og kawala ang kaspa, apan duna pay mga butang nga pwede nimong sulayan aron maluwas ang imohang ulo sa kakatol og matambalan ang pag-pal’ak sa imohang mga panit sa ulo.
1. TUNO SA LUBI
· Ginatawag kini og natural moisturizer sa buhok og makatabang usab kini nga mupakgang sa mga fungi nga namuyo sa panit sa ulo mao nang epektibo gyud kini nga pangtambal sa kaspa. Ang humot nga baho sa gata sa lubi kay makahatag usab og aroma therapy sa mugamit niini.
· Ang dapat lang nimo nga buhaton mao ang pagpahid sa tuno sa lubi sa panit sa imohang ulo, ibabad kini 30 minutos og banlawan og shampoo.
2. SABILA (ALOE VERA)
· Ang aloe vera iladong tanom nga pang remedyo aron mapanindot ang kondisyon sa panit. Ang duga sa panit sa aloe vera maoy makatabang aron mabalik ang normal nga proseso sa pag ilis sa mga bag-ong cells sa panit nga maoy hinungdan sa kaspa.
· Kuhaon lang ang jelly sa aloe vera og ipahid kini sa imohang buhok og paugahon o ibabad kini pila ka minuto og banlawan sa imohang ginagamit nga shampoo.
3. GUGO
· Dugay na kining ginagamit sa mga Pilipino isip us aka natural shampoo. Ang panit sa kahoy nga mobula mao ang isa sa mga pinaka epektibo nga makawala og kaspa.
· Gamita lang ang gugo isip usa ka alternatibo nga shampoo sama sa paggamit sa imohang shampoo kadala adlaw.
4. LEMONSITO
· Ang ka aslom sa lemonsito maoy isa sa hinungdan nga mamatay ang mga fungi nga maoy hinungdan sa imohang kaspa. Ang vitamin C nga gikan sa lemonsito maoy makatabang aron mahimsog ang panit sa ulo.
· Ang duga sa lemonsito maoy ipahid sa panit sa ulo, ibabad pila ka minuto hangtod ma-uga sa iulo og banlawan.
Mao kini ang mga natural nga remedy aron mawala ang kaspa og maundang na ang inyong pagpangatol sa ulo nga maoy makadaot sa inyohang nindot nga adlaw.
Ayaw pasagdi nga mu-baba ang inyong self confidence tungod lang kay duna kamoy kaspa. Sunda lang ni nga mga butang og Makita gyud nga dunay alibyo.
Apan mga idol, duna pa ba kay nahibal’an nga natural nga tambal sa kaspa?
I-comment lang kana sa baba aron madungagan pod og kahibalo ang atoang mga idol nga naproblema unsa pay buhaton aron mawala ang kaspa.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
