Gintawag nga bungol kag bulag ni South Cotabato Governor Daisy Avance Fuentes si Board Member Romulo Solivio tungod sa paghatag failure sa iya nga State of the Provincial Address angot sa isyu sang environment.
Ginhatagan pa punto sang gobernadora nga kon ano ang performance niya ang performance man sang Sangguniang Panlalawigan.
May-angot sini, nangin ipokrito kag kontra na sang probinsya si Board Member Solivio tungod sa ginahimo niya nahadlok na ang mga investors nga magsulod sa probinsya.
Samtang, ginpanginwala naman ni Governor Fuentes ang aligasyon sang mga nagrally kadungan sang iya nga SOPA kahapon nga adlaw nga wala nagatupa sa mga IP`s ang serbisyo sang gobyerno kag wala nagatupa ang serbisyo sang provincial government sa mga pumuluyo.
Ginpahayag niya man nga nakit-an naman sa ginpresentar niya sa SOPA ang mga napalab-ot nga serbisyo sang lokal nga panggobyerno sa katawhan sang probinsya kag posible indi man taga-South Cotabato ang mga nagrally.
