Ya dale warning el alcalde Beng Climaco-Salazar con el oficiales del Barangay para con quidao na dalida del “No Objection Resolution” por el ofrecimiento de permiso con tal negosyo para planta algun stactura na canto del mar.
Ejemplo ya abla el alcalde aserca el un planta de sardinas na Barangay Ayala que ya tapa con el pasada del cabisera del rio na mismo barangay que ta sangga con el salida del agua de avenida na rio.
Mismo el consejal Bong Atilano ya lleva na atenccion del Alcalde Climaco el tal problema y imedietamente el alcalde ya manda lleva un Back Hoe na lugar para man-clearing con el canto del establisemiento que ya tapa con el pasada del agua na lugar. – *Bhong Simbajon/RMN News*
Facebook Comments
