Davao del Norte- Patay ang usa ka lalaki ug usa kritikal nga gidala sa balay tambalanan ang duha ka mga lalaki nga biktima sa pagpamusil sa riding in tandem atung miaging adlaw bandang alas 7:30 sa buntag partikular Purok-1A Brgy. Sto NiƱo Carmen, Davao del Norte.
Dead on arrival nga naabot sa Carmen District Hospital ang biktima nga mao si Dindo Lumacwas Blas, 40 anyos, residente sa Maliongan Taragona Davao Oriental samtang kritikal ug padayon pang ginatambalan sa Davao Regional Hospital sa Tagum si Rel Lumacwas Blas, 49 anyos, residente sa Purok Pagkakaisa Brgy. Lapaz Carmen Davao del Norte.
Sumala sa inisyal nga imbestigasyon sa kapolisan, sakay ang biktima sa usa ka single motorcycle gikan Carmen padulong sa may syudad sa Panabo apan wala makabantay ang mga biktima nga gisundan diay kini sila sa usa ka riding in tandem ug pag-abot sa nahisgutang lugar kalit gipamusil sa mga mamumuno ang biktima sa makadaghang higayon hinungdan sa kamatayon sa usa ka mga biktima dayon misibat ang mga suspek sa wala matino nga direksyon.
Sa pagka karon, padayon pang ginagukod sa mga kapulisan sa carmen ang mga suspek ug aron maila ang mga pagkatawo niini samtang wala pay matumbok kun unsa gayud ang motibo sa pagpamusil.
RadyoMan Paul Canono
