GENERAL SANTOS CITY – Midangop aron magpatabang sa kapolisan ang guest relation officer human nireklamo og lugos batok sa iyang barkada human sila nagsabot nga maghilawas bugti sa bayad nga 500 pesos niaging gabie samtang nagsaulog og Father’s Day.
Gitago sa pangalang Milen ang babaye nag-edad og 26 anyos samtang ang lalaki gibansagan og Berto 27 anyos usa ka foreman nagpuyo sa Barangay Mabuhay ning dakbayan kansang parehong minyo og may anak.
Matod kay Milen nagsaulog matod pa og Father’s Day silang duha kauban ang mga barkada pinaagi sa pagtagay sa ilimnong makahubog didto sa compound ni Berto.
Dugang ni Milen nga giplanohan pagmaayo ni Berto nga siya luguson human gipakuyog sa mismong kwarto og pugsanong gipasulod. Gigunitan kuno siya sa lalaki dungan sa paghulga nga may mahitabong dili maayo og gihuboan hangtod nga kini mahilabtan.
Apan gihingusgan sa gialegarang suspek nga si Berto nga wala niya gipugos si Milen og may sabot sila nga magtagay sa lawasnong kalipay sa kantidad nga 500 pesos apan nahuman ang ilang paglami-lami wala siya makabayad kay gisaaran nga sa sweldohan na siya magbayad.
Gitagaan og medical certificate sa Women and Children Protection Desk sa kapolisan aron ikasuporta sa reklamo ni Milen kay Berto nga pagpanglugos.
For more info’s and updates, like and share our official facebook account : www.facebook.com/ifm91.9Gensanofficial/
