Gitun-an na sa lain-laing dagkong labor group ang pagpasaka og kaso batok ni Presidente Rodrigo Duterte tungod sa iyang pagsupak sa atong batakang balaod.
Matud ni National Federation of Labor President Deobel Deocares, nakasupak si Presidente Duterte sa article 13, section 3 sa constitution kalabot sa mga mamumuo nga angay mahatagan sa kasiguraduhan sa trabaho pero aduna gihapoy nahitabong kontrakwalisasyon.
Gawas niini, entitled usab ang mga mamumuo sa living wage apan adunay Republic Act o R-A 6727 o minimum wage nga gipatuman nga nagpalisod matud pa sa mga mamumuo.
Gipasabot usab ni President Labor Alliance of Free Worker Union Atty. General Du, giistorya pa nila ang lain-laing stakeholders aron plantsahon ang ilang planong pagpasaka sa kaso batok sa Presidente kung asa gakuha pa gihapon sila sa mga lig-ong ebidensiya batok niini.
Matud sa mga grupo sa mamumuo, siguraduhon nilang manubag matud pa si Presidente Duterte sa balaod bisan dunay immunity ang Presidente.
Plano nila kining pasakahan sa impeachment tungod sa pagsupak matud pa sa Presidente sa batakang balaod. web photo
