Ginaduso sang grupo sang mga negosyante sa syudad sang Bacolod nga i-lift na ang curfew kag liquor ban partikular sa mga naga-edad 23 pasaka.
Suno kay Metro Bacolod Chamber of Commerce and Industry chief executive officer Frank Carbon, 30% sa income sang business sector sa syudad ang nagahalin sa mga negosyo nga naga-operate kun gab-i tubtob kaagahon.
Sa position paper nga ila iga-sumbit sa local government unit sang Bacolod, tinutuyo sang sini nga tikang nga mahatagan sang oportunidad ang mga negosyo kun gab-i sang dugang nga income apisar sang pandemya.
Sa karon nga yara sa modified general community quarantine ang Bacolod, ginapatuman ang curfew hours umpisa las 11 sang gab-i tubtub las 4 sang aga. May ginapatuman man nga partial liquor ban kag ginapahanugutan lang nga makabakal kag maka-konsumo sang makahulubog nga ilimon kada las 12 sang udto tubtob las 6 sang gab-i.
Ang nasambit nga position paper ang gina-updan man sang Hotel and Restaurant Association of Negros Occidental, Resort Association of Negros Island kag Bacolod Filipino-Chamber of Commerce and Industry.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
