General Santos City— Nagpa-abot ug pahisubo Si Police BGen. Alfred Corpus, Regional Director sa PRO12 sa pamilya ni Police Master Sgt. Emmanuel oronado, chief intel sa police station 4 nga gipusil-patay.
Sumala kang pol. Col. Aden lagradante, city director sa gensan city police office nga atol sa pagbisita ni pbgen. Corpus sa lamay, naghatag kini ug direktiba kaniya ug sa hepe sa police station 4 nga kinahanglang paspasan ang pagresolba sa kaso.
Tumong matud pa niini aron nga mapanubag sa balaud ang suspek ug mahatagan ug hustisya ang nahitabong pagpatay sa pulis.
Dugang pamahayag ni Pol. Col. Lagradante nga sa karon, aduna nay lead ang kapulisan sa posibleng suspek sa pagpatay kang coronado.
Gani, ilaha matud pang gilauman nga sa dili madugay madakpan ang suspek sa maong krimen hilabina nga pulis na ang nahimong biktima. Apan sa hisgutanang usa sa mga PRRD listed si coronado, kana ang dili pa niya makumpirma gumikan ilaha pa kining ginasuta ug gina-beripika.
