Gikumpirma sa kauban sa suspek nga si Bernie Belen nga naghisgot og problema kaniya si Guard Reymark Pamatong samtang kamulo sila og inum.
Kini kabahin sa problema niini sa agency.
Nasayran nga human nila og inum, una nga milakaw kaniya si Pamatong ug taudtaud pa siya nga nakasunod niini tungod kay milakaw kini nga walay pananghid tungod sa kahubog.
Apan dihang iyang nakita nga miliko kini sa gasoline station, iya nalang kining gihuwat sa unahan ug nakadungog nalang siya og buto-buto.
Dugang pa ni Belen, dihang iyang nakita nga namusil si Reymark sa gwardiya ug kahera, nagduha-duha kini sa pagduol kang Pamatong sa pamasen nga pusilon usab siya niini.
Nasayran nga human ni Pamatong namusil ug nanulis sa gasoline station, misakay kini og balik sa iyang motor ug miadto sa 7/11 sa Barangay Bugo ning syudad busa iya nalang kining gibiyaan.
Samtang dako na lang ang kakurat ni Belen dihang gianhaan siya og polis sa iyang balay Dominggo sa buntag.
Kini human siya gidamay ni Pamatong isip kauban sa pagpanulis sa Phoenix gasoline station.
Matud ni Belen nga wala gyud siyay labot sa gibuhat ni Pamatong tungod kay nag-uban lamang sila sa pag-inum.
