Ipaguwa na subong nga semana sang National Inter-Agency Task Force (NIATF) kag sang Social Welfare and Development (DSWD) ang guidelines para sa ikaduha nga tranche sang Social Amelioration Program (SAP).
Ini suno kay DSWD Undersecretary Luz Ilagan kadungan sang iya pag-confirm nga makabaton sa gihapon sang second tranche sang SAP ang mga lugar nga ginpaidalom na sa General Community Quarantine (GCQ) kaangay sang Negros Occidental.
Sa amo man nga guidelines mahibaluan suno kay Ilagan kun may kinalain ang balor nga ihatag sa mga benefeciaries nga yara pa sa Enhanced General Community Quarantine (ECQ) kag sa mga yara na sa GCQ.
Sa nahibaluan nga santo sa RA 11469 ukon Bayanihan to Heal as One Act, tag-P6,000 ang ginpain nga pondo para sa 18 million nga makabig “poorest of the poor” families nga ila mabaton sa sulod sang duha ka bulan.
[image: image.png]
