Plastado na suno kay Father Angel Buenavidez, spokesperson sang Diocese of Marbel ang guidelines sa pagpatuman sang health protocols sa mesa de gallo kabahin sang selebrasyon sang paskwa sa tunga sang COVID-19 pandemic.
Ginpahayag ni Father Buenavidez nga ginapatuman naman ang health protocols sa ginapatigayon nga liturgical celebrations sa mga simbahan sa idalom sang Diocese of Marbel.
Suno sa iya sarang nga makapatigayon sang mesa de gallo ang mga kapilya kon may –yara sang permission halin sa parish priest kag makaya nga mapatuman ang mga health protocols.
Ginkumpirmar man ni Father Buenavidez nga magasunod man ang simbahan sa ginapatuman nga curfew hour sang mga local government units.
Samtang sa Disyembre 15 magaumpisa na suno sa iya ang mesa de gallo agud mahatagan sang bastante nga panahon ang mga sumalimba.
Hingyo niya naman sa tanan nga kon may-yara sang travel history, may sintomas, vulnerable person kapareho sang senior citizen kag mga kabataan ang indi na lang magtambong.
Ang *Simbang Gabi* ang ginapatigayon kada panahon sang kapaskwahan nga nagaumpisa kada Disyembre 16 tubtob Disyembre 24.
