Patay ang isa ka security guard matapos ini natiruhan sang suspek nga nagsulod sa iya ginabantayan nga compound las 2 kaina sang kaagahon sa Taurus St., Sharina Heights Subdivision, Brgy. Taculing, Bacolod City.
Nakilala ang biktima nga si Adonis Alicante Jr., 30 anyos, kasado, tumandok sang Inayawan, Cauayan, empleyado sang Combative Security Agency kag naga-trabaho bilang security guard sang Argo Lending sa amo nga lugar.
Suno sa imbestigasyon sang Police Station 6 ang biktima kag ang iya asawa nakatulog sa bunk house sang iya nabugtawan nga may isa ka wala makilala nga lalaki sa sulod kag naga-uyat sang armas.
Pahayag sang pulis, gintuyo ini nga agawon sang biktima apang naglupok ang armas kag naigo ini sa ulo nga amo naman ang gintunaan sang iya kamatayon.
[image: image.png]
