Boracay, Island — Magapangatubang it kaso rong sangka gwardya matapos nga madiskubrehan nga nagahupot it illegal nga armas kahapon sa ginpatigayon nga inspection.
Nakilaea rong gwardya kay Bejie ALoreja, 35-anyos, taga Poblacion Sebaste, Antique ag presente nga naga dayon sa may Sitio Sugod, Manocmanoc, Boracay.
Nadiskubrehan nga illegal rong armas ni ALoreja matapos nga magpatigayon it post-to-post inspection ro Regional Civil Security Group (RCSG).
Gin usuyan it papeles kamana man gintan-aw ro detailed order ag uwa naga santo rong serial number ko anang ginabuytan nga 12 gauge shot gun.
Nadiskubrehan pa gid nga ro anang license to exercise security hay invalid.
Sa makaron hay detained sa lock up cell it Boracay Tourist Assistance Center (BTAC) si ALoreja ag naka taeana nga iga inquest makaron nga adlaw sa kasong pagbayolar sa R.A. 10591 ukon Comprehensive Law on Firearms and Ammunition ag pagbayolar sa Comelec Gun Ban.
