General Santos City–sikop sa operatiba sa kapulisan nga sakop sa Regional Public Safety Company (RPSB) ang usa ka gwardya human nakuhaan ug pusil sa check point sa Purok, Banualan, Barangay Tambler, Gensan.
Ang suspek nailhang si Reynald Lebaquin, 50, security guard nga nakabasi sa DLA Security Agency ug residenti sa Barangay Poblacion, Esperanza, Sultan Kudarat.
Si Police Inspector Jomari Coa, sa RPSB maoy miturn-over kang SG Lebaquin ngadto sa Tambler PNP. Narekober sa posisyon sa suspek ang cal. 45 pistol, (1) ka Magazine ug (12) ka bala.
Alas 10:00 sa gabie dihang miagi ang suspek sa check point ug nabantayan gilayon sa kapulisan nga duna kini pusil mao nga siya gihold. Dihang gipangita ang mga dukumento niini walay gipakita ang gwardya mao nga siya gidakop ug gibalhog sa silda sa kapulisan.
