Davao City- Giindorso sa Talomo PNP ang duha ka security guard nga sila si alyas Bobong, 26 anyos nga nagpuyo sa times beach ug alyas Lito 25 anyos human magsumabagay gawas sa Beds And Pillow Inn sa Matina, Davao City.
Sa blotter sa Talomo PNP, naaktuhan ni alyas Bobong ang iyang live in partner nga si alyas Bebeng, 26 anyos, nga misulod sa maong inn kauban si alyas Lito alas 2:00 pasado sa kaadlawon.
Sumala ni alyas Bobong nga alas 10:oo pa sa kagabhion iya nang gihupo-hupoan ang live in partner ug si alyas lito nga malipayon kaayong nag inom sa Times Beach.
Ug sa dihang natapos na ang duha sa pagtagay, nanakay og motorsiklo rason nga gisundan usab kini ni alyas bobong hangtud nga didto nya kini maabti sa maong inn.
Daling nakasibat si alyas Bebeng pinaagi sa pagsakay og taxi samtang si alyas Bobong ug alyas Lito nagsumbagay hinungdan sa pagresponde sa kapulisan.
Si alyas Bobong ug Bebing duha na ka tuig nga maglive in partner ug walay anak samtang si lito minyo ug dunay usa ka anak.
RadyoMan Erin Lumosbog
