Nag abot sa haeos 1,000 nga bag-ong kaso it Human Immunodeficiency Virus (HIV) infection rong nairekord it Department of Health (DOH) para sa buean it Setyembre.
Sa datos nga ginpaguwa it HIV/AIDS Registry of the Philippines, nag abot sa 954 rong bag-ong kaso it HIV ko Setyembre nga mas mataas sa 938 nga nairekord sa kaparehong tyempo ko 2017.
Sa nasambit nga bueat 24 rong namatay.
Samtang, 85% o 563 sa kabilugang numero rong nakabuoe it HIV sa pakikipag sex sa parehong eaeaki, 237 sa parehong babaye ag eaeaki sag 136 rong eaeaki sa babaye.
Samtang 9 man rong kaso bangud sa needle sharing ag 4 rong mother-to-child transmission.
Nairekord rong pinakamataas nga numero it bag-ong HIV cases sa Metro Manila (266) ginasundan it CALABARZON (141) ag Central Luzon (104).
Bangud kara nga abot sa 8, 553 rong kabillugan nga numero it bag-ong HIV Infections umpisa Enero kaeakip rong 1,520 nga kaso it AIDS (Acquired Immunodeficiency Deficiency Syndrome) kung siin 459 eon ro namatay.
Pero kung sumahon umpisa 1984 nag abot eon sa 59, 135 rong HIV cases rong nairekord it DOH kung siin 6, 588 rong full-blown AIDS ag 2, 917 eon rong namatay.
