NEGROS OCCIDENTAL – Magapatigayon pa sang assessment ang Provincial Agricultures Office kon bala pwede na ma declare ang state of calamity sa probinsya sang Negros Occidental bangud man sa halit nga gintuga sang El Niño phenomenon.
Suno kay Provincial Agriculturist Atty. Japhet Masculino nga nagdangat na karon sa kapin P443.92 million pesos ang halit nga gintuga sang drought bangud sang El Niño sa bahin sang mga high value crops lakip na ang fisheries.
Pahayag ni Masculino nga ang Himamaylan City, Murcia kag Binalbagan amo ang pinakamalala nga apektado nga mga lugar sa probinsya.
Samtang, nagdangat naman sa 1,685 ka mga mangunguma ang apektado sa kapin 1,551 ka ektaryas nga duta sang mga pananum.
Ang kahalitan nga dala sini sa probinsya ang nag-apekto sa 15 ka mga lokalidad.
