Gisuspendi ang operasyon sa halos katunga sa Private Emission Testing Centers kon PETCs sa rehiyon 10 tungod sa pipila ka kalapasan nga tumanon ang mga regulasyon ug gabayan kabahin sa pagpahigayon sa smoke test.
Sa interview sa RMN Malaybalayngadto kang Regional Director Nelson Manaloto sa Land Transportation Office 10 gibutyag niini nga halos katunga sa mga PETCs sa Northern Mindanao ang gikanselar ang Authority to Operate.
Gipasabot niya nga gimando sa Department of Transportation kon DOTr ang pagkanselar sa maong authority sukad pa kaniadtong Nobyembre 2019.
Gidugang ni Director Manaloto nga nasirado kini tungod sa kalapasan sa mga PETCs nga tumanon ang mga regulasyon ug gabayan kabahin sa pagpahigayon sa smoke emission test nga gipatuman aron masiguro ang aktwal nga presensya sa mga sakyanan.
Samtang sa impormasyon nga gihatag sa RMN Malaybalay gikan ni Juntele Goc-ong, ang hepe sa LTO Valencia City gibutyag niini nga sa Valencia City, adunay 4 ka mga PETCs karon duha nalang ang nag-operate; sa Malaybalay 5 ka PETCS duha na lang ang nag-operate; sa Maramag, 3 ka PETCs usa ang nag-operate, sa Don Carlos, 2 ka PETCs usa na lang ang nag operate ug adunay PETC usab sa lungsod sa Quezon ug Manolo Fortich ang operational ning kasamtangan.
Gibutyag usab ni Engr.Virgilio Nanol, ang hepe sa LTO Malaybalay nga ang nag-operate nga PETCs sa siyudad ang sa Casisang ug Aglayan.
80 ka sakyanan lang matud pa ang kayang ma smoke test matag adlaw maong kinahanglan pa nga e-schedule.
