Halos lima ka libong mag-uuma sa Bukidnon ug Misamis Oriental ang naapektuhan sa nasinateng hinayng El Niño.
Kini ang gibutyag sa Department of Agriculture o DA Region 10 atol sa gihimong press conference kagahapong adlawa.
Lakip sa naapektuhan ang mga mag-uuma nga nagtanom sa humay, gulay ug mais sa lungsod sa Kibawe, Kadingilan, Sumilao, San Fernando, Quezon, Malaybalay City ug Kalilangan nga sakop sa lalawigan sa Bukidnon.
Samtang apektado usab sa El Niño ang mga mag-uuma gikan sa lungsod sa Balingasag, Alubijid, Villanueva, El Salvador City ug Cagayan de Oro City nga sakop sa lalawigan sa Misamis Oriental.
Mahinumduman nga nikabat sa halos 300-million pesos ang damyos sa mga tanom gikan sa duha ka nasangpit nga lalawigan.
Facebook Comments
