Halos usa ka libong mga residente sa Barangay Canitoan ang nakapahimulos sa mga serbisyong gitunol sa dxCC-RMN ug lokal nga kagamhanan sa Cagayan de Oro.
Kini atol sa gihimong dxCC-RMN Live sa Barangay ug Tabang Medico sa Zone 5 covered court, Calaanan, Barangay Canitoan ning syudad gikan sa alas sa buntag hangtud ala una sa hapon kagahapon.
Gawas sa kahigayunan nga makapaabot sa ilang mga concerns nagdto sa opisyales sa Barangay Canitoan ug mga Department Heads sa syudad nakapahimulos usab ang katawhan sa libreng snacks, libreng arroz caldo, libreng ibot sa ngipon, libreng medical check-up, libreng tambal, libreng rabbies vaccination sa mga iro ug iring, libreng mga binhi, libreng Philhealth Registration, Libreng pagrehistro sa mga wala pay birth certificate, libreng reading eye glasses ug uban pa.
Usa ka gatus ang gigahinan og gift packs gikan sa dxCC-RMN ug lima ang nakadaog og tag 200 pesos sa raffle draw.
