Hard lockdown ginpatuman sa portion sang Brgy. Dajay, Surallah, South Cotabato.

18

Ginpatuman epektibo kahapon nga adlaw ang 14 ka adlaw nga hard lockdown kag pagbutang sa zoning containment sa portion sang Purok Mainuswagon, Barangay Dajay, Surallah South Cotabato base naman sa ginpapanaug nga executive order no. 120 ni Mayor Antonio Bendita., matapos nga isa ka residente sang nasambit nga lugar ang nagpositibo sa COVID-19.
Suno sa alkalde katuyuan sini nga mapunggan ang paglapta sang virus sa nasambit nga lugar kag bug-os nga banwa sang Surallah.
May-angot sini, ginapahanugutan lamang ang mga residente sa lugar nga maggwa sa ila puluy-an kon mamakal sang essential goods, medicines, emergency purposes kag iban pa nga mga kinahanglanon.
Ginpatuman man ang curfew hour sa lugar halin alas 7:00 sang gab-i tubtob alas 5:00 sang aga.
Magadugay naman ang lockdown sa nasambit nga lugar sa Setyembre 8, 2020
Nahibaluan nga isa ka 49-anyos nga lalaki nga taga-Brgy. Dajay ang nagpositibo sa COVID-19 kag may-yara sang exposure sa fish port sa General Santos City matapos nga nagalibod suno pa ini sang isda sa banwa.
Apela naman ni Mayor Bendita sa mga pumuluyo sa banwa nga likawan ang pagbakal sa mga nagalibod kundi sa molengke na sang banwa mamakal tungod hugot nga ginapatuman ang mga health protocols.

Facebook Comments