Gihulat karon nga tukion sa konseho ning siyudad ang gisugyot nga Harmonized Fisheries Ordinance alang sa Macajalar Bay areas.
Kini human ang Macajalar Bay Development Alliance misumite ngadto sa konseho sa balaodnon nga nagtumong sa pagproteher sa Macajalar Bay.
Pinaagi sa Resolosyon No. 2019-005, girekomendar sa MBDA ngadto sa dose ka mga munisipyo sa Misamis Oriental lakip na sa dakbayan sa El Salvador ug Cagayan de Oro nga sulod sa Macajalar Bay ang daling pagpalabang ug pagpatuman sa maong ordinansa.
Ubos sa maong resolosyon, gipasabot nga masolosyonan sa Harmonized Fisheries Ordinance ang padayong pagkunhod sa kondisyon sa coastal ug fishery resources ingon man ang mga isyu nga naghatag og hulga sa Macajalar Bay resources.
Samtang, Gisugyot usab sa maong balaodnon ang pagmugna sa Fisheries and Aquatic Resources Management Council ug ang pagrehistro sa tanang mga fisherfolks lakip na ang pag-isyu og fishing permits alang niadtong mag-operate sa Macajalar Bay.
Unod usab sa maong ordinansa ang mga gidiling lihok alayon sa Sustainable Goal 14 sa 2030 Agenda for Sustainable Development.
