Ginrekomendar niya suno kay OIC City Health Officer Editho Vego kay Koronadal City Mayor Eliordo Ogena sa ginpatigayon nila nga cabinet meeting nga indi na dapat maglampas sang tatlo ka adlaw ang haya sa patay bisan non- COVID ang kinamatyan sang isa ka tawo.
Kinahanglan man suno pa nga ang pagbisita sa namatyan ang indi magdugay sang masobra isa ka oras kag wala sang lamesa nga ibutang agud nga wala sang may mag-istambay.
Samtang, ginaapela man ni Dr. Vego sa mga pumuluyo nga i-limit man ang pagpatigayon sang birthday party tungod sa paandam sa gihapon sang COVID-19 sa syudad sang Koronadal.
Ginkumpirmar man ni Dr. Vego nga puno na ang isa ka isolation facility kag ang isa ang buksan naman bilang preparasyon nga may madugang pa sa magpositibo sa COVID-19 tungod madamo naman ang ginpaidalom suno sa iya sa swab test kahapon nga adlaw.
Ini ang pahayag ni Dr. Vego sa interview sa iya ni Radyoman Vilsa Alcantara sa Straight to the Point Program kagaina sang aga.
