Gidagsa sa mga taga Mindanao ang haya sa patayng lawas ni kanhi Senate President Aquilino “Nene” Pimentel, Jr. sa City Tourism Hall sa Cagayan de Oro sukad pa kagabie.
Kini bisan pa sa hugot nga seguridad nga gipatuman sa mga otoridad base na usab sa mando ni Mayor Oscar Moreno.
Lain-laing mga ahensya sa gobyerno ang nihimo sa necrological services sukad pa kagabie ug unyang gabie usab himoon ang usa ka misa nga pangunahan ni Cagayan de Oro Archbishop Antonio Ledesma.
Ugma sa buntag, ang patayng lawas ni kanhi Senador Pimentel ibalik na sa Metro Manila sakay sa Air Force plane ug sa Sabado sa buntag nakatakda kining ilubong sa Heritage Park sa Taguig City.
Facebook Comments
